Mehmonxona sohasi
Har bir mehmonxona o'z tuzilishiga ega
bo´lib, mehmonxona o'z xodimlarini o´zi shakllantirishga intiladi. Mehmonxona xodimlarining ish turlari mehmonxonaning shakli, tuzilishi, qanday xizmat taklif qilishi va yo´nalishiga uzviy bog´liq. Mehmonxonaning xodimlari, tashkiliy tuzilmasi va boshqaruvi ko'plab omillarga bog'liq bo´lib,mehmonxonaning kattaligi va u xizmat ko'rsatadigan tashrif buyuruvchilarning son katta ahamiyatga ega.
Mehmonxona biznesida eng ko'p talab qilinadigan ishchi - bu mehmonxona xonalarini tozalikda ushlab turuvchi ishchilardir. Tozalik mehmonxona mehmonlariga munosabatini ko'rsatadigan asosiy ko'rsatkichdan biri hisoblanib, ba´zan mehmonlarning ko´zida katta ro´l o´ynaydi. Shunung uchun xonalarda va butun korxonada munosib tozalikni saqlashga qodir xizmatkorlar juda qadrlanadi.
To'rt yulduzli va besh yulduzli mehmonxonalarda odatda darvozabonlar va resepsiyonistlar ishlaydi. Lekin bunday ish yuqori darajadagi til va muloqotni talab qiladi va ko´pchilik mehmonxonalar bunday lavozimlarga mahalliy ishchilarni olishadi.Mehmonxonada restoran va bar bo‘lishi shart bo‘lgani uchun xodimlar tarkibiga oshpazlar, barmenlar va ofitsiantlar kiradi. Ta´til paytida bunday ishchilarga mehmonxona ko´proq muhtojdir.
Turar joy
Deyarli barcha ish beruvchilar talabalarni turar-joy bilan ta'minlaydi. Bu odatda ko'p xonali kvartirada bitta xonani tashkil qiladi, er-xotinlar uchun ikki kishilik xonalar ham qilib berilishi mumkin. Turar-joy to'lovlari sizning oylik maoshingizdan olinadi. Bu kuniga taxminan 5-10 evroni tashkil qiladi. Qulay yashash uchun barcha sharoitlar mavjud. Masalan, Internet, muzlatgich, shkaf, yotoq, stol, stul, hammom va boshqalar.
Ammo bularning hammasi ish turi va ish beruvchiga bog´liq va turli xil istisnolar mavjud bo´lishi mumkin. Tushunmovchiliklarga yo'l qo'ymaslik uchun shartnomani imzolashdan oldin bunday masalalarni oldindan aniqlashtirishingizni so´raymiz.
Oziq - ovqat
Talabalarning ish vaqtida oziqlanishlarini ish beruvchi qoplamaydi va talabalar o´zlari buni ta'minlashlari kerak. Ishingiz yonida deyarli har doim kerakli mahsulotlarni xarid qilishingiz mumkin bo'lgan do'konlar mavjud bo´ladi. Barcha tafsilotlar va ma´lumotlar ish kunining boshida ish beruvchi tomonidan taqdim etiladi.
Lekin ba´zi hollarda ish beruvchining o'zi tushlik yoki nonushta bilan ta'minlashi ham mumkin, bunday holatlarda siz o'zingizning afzalliklaringizga (vegetarianizm, cho'chqa go'shti, laktoza va boshqalar) shartnomaga qo´l qo´yishdan oldin aniqlik kiritishingizni so'raymiz.
Maxsus kiyim - kechak
Ko'pincha maxsus kiyim kerak bo'lgan boshqa joylarda ishlashingiz sababli, ko'pgina mehmonxona sohasidagi ishlar uchun siz maxsus kiyim kiyishingiz kerak bo'ladi. Bunday holatlarda ish beruvchining o'zi kiyim-kechak bilan sizni
ta´minlaydi yoki talabalar o'zlari bilan kerakli kiyimlarni olib kelishladi. Bu odatda qulay qora futbolka va shim.
Eslatma! Ko'p yillik tajribamizga asoslanib, biz siz uchun ish va sayohat uchun eng kerakli kiyimlar ro'yxatini tayyorladik, shunda siz o'zingiz bilan nima olib ketishni oldindan bilib olasiz.
* Ro´yxatni yuklab olish (o´zbek tilida)
Til darajasi
Aytib o'tilganidek, til darajasi ish va ko'pincha sayohat uchun juda muhimdir. Work and Travel dasturiga ariza topshirish uchun sizdan nemis tilini A2 va undan yuqori darajada bilishingizni talab qilamiz. Hech qanday sertifikat talab qilinmaydi, lekin suhbat davomida biz sizning til darajangizni sinab ko'ramiz va agar u bizni qoniqtirmasa, afsuski, arizangizni rad etishga majbur bo'lamiz. Hujjatlarni topshirishda buni yodda tutishingizni so'raymiz!
